اي هتش في الكلتش

العلاقات الإنسانية نصها مبنية على الاستعباد والتملك، بس احنا بنغلفها بالحب والصداقة. واللي خانك حررك من ولائك له.

قمة الانتصار على عدوك أنه عايز يبقى زيك. اصل مش كل واحد فاهمني غلط هقف وانزل اصححله أفكاره. كده مش هخلص. اللي فاهمني غلط خليه يفهم اللي هو عايزه. وانت يا بطريق، مش عندك جناحات ليه مش بطير. وانت يا نعامة محسوبة على الطيور وبردو مش بطيري.

ناس لو مشيت ورا كلامهم، هيطلعوك سارق الأوكسجين اللي بتتنفسه. انت نفسك خنت نفسك يبقى عايز مين يصونك كفاية بجاحة بقى.

اتعلم من اخطائك بقى خلاص مبقاش في وقت تكررها. الحفاظ على عميلك القديم اوفر من شراء عميل جديد.

يا عم دي جت في التلفزيون ازاي كدب يعني. مش مهم الحقيقة، المهم التلفزيون بيقول ايه. دول عندهم قدرة عجيبة على تحوير كلامك كانك تقصد عكس اللي بتقوله.

احنا عايشين في زمن رجل الشارع العادي هو المسئول الحقيقي مقضيها بنات وموتوسيكلات محدش بيقولوا انت بتعمل ايه. اللي عايز يقعد هيلاقي سبب واللي عايز يمشي هيلاقي عذر.

لو قررت تعمل احتفال لازم تكمله للآخر. لو عملت نص احتفال، هتروح في داهية. عايزينك تتحمل مسئولية الخسارة معاهم بس ملكش رأي في حاجة.

شعورك ايه وانت عمال تعاقب نفسك على ذنب عملته من سنين ومش قادر تسامح نفسك عليه. ايه الفرق بين عبيد زمان وعبيد دلوقتي؟

عبيد زمان كان بيفضل في الحقل لغاية ما يموت، يزرع ويقلع غصب عنه ويدوب ياكل ويشرب. وميعرفش يهرب. عبيد النهاردة في الحقل بردو بس على الاقل عنده فرصة صغيرة أنه يملك الحقل يوما ما لو اشتغل على نفسه.

الثقة في النفس من أساسيات النجاح والثقة في النفس بزيادة من أساسيات الفشل. ويجب يكون فيه توازن وعقلانية حتى لا ينقلب الثقة بالنفس الي غرور. انا مش عارف انا بقول الكلام ده ليه ولا لازمته ايه، بس انا بتكلم من زمان فهسكت دلوقتي ليه؟