كيف تنمي مهارة ضبط النفس للحصول على كل ما تريد في الارض

 ضبط النفس والانضباط هو ما يصنع الفرق بين الشخص الذي يستسلم قبل ان يصل الي خط النهاية بثانية وبين ذلك الشخص الذي يقتحم خط النهاية اقتحاما.
ماذا يعني هذا الكلام؟
يعني انك تحتاج الي قوة صبر وتحمل حتى تصل الي ما تريد بالرغم ما تقابله من مغريات.
اولا، عامل نفسك كشخص تحبه وتحترمه. عندما تجد نفسك امام شيئا تشتهيه ولكنك تعلم انه سوف يؤلمك فيما بعد. امنع نفسك منه كما قد تتحدث مع صديق تحبه وتحترمه. هذا ليس كافيا لأنك ربما تتعاطف مع صديقك وتسمح له بكسر القواعد. فلابد من ان تسير على اساليب مجربة:

1. اقبل بقضاء الله وقدره حلوه ومره

مبدئيا، لابد تقبل ان كل شيء مكتوب من البداية، السعادة والحزن، والرزق، والعمر. ما عليك إلا انك تسعى بالتفكير والعمل في انك تكون افضل نسخة من نفسك. والنجاح والفشل من عند ربنا ولازم تقبل بيهم في جميع الاحوال. ومع تقبل القدر يطمئن قلبك انه لن يصيبك اكثر او اقل من نصيبك.

2. استمتع بالحياة

مفيش مانع انك تستمتع بمتع الحياة لكن باعتدال. الأكل والشرب والسفر  وامتلاك الاشياء... وده مش معناه انك تعمل الحاجات الحرام باعتدال. الحرام حرام سواء عملته قليل او عملته كتير هيفضل حرام يبقى متقربش منه اصلا.

3. لا تقصير ولا تفريط

يخطأ البعض في الظن ان المجهود الكبير يؤدي الي نتيجة كبيرة. ليس دائما. فمن هنا يجب ان تعرف نفسك وتعرف مهمتك وتعطي القدر المناسب من المجهود لتحقيقها ليس اقل ولا اكثر. هذا لا يمنع فقط الإرهاق من العمل الزائد ولكن ايضا من الندم على "ما كان ممكن ان تفعله".

4. تخلص من الكسل والتسويف

تذكر دائما ان الوقت لن يكون دائما في صالحك، فمن الافضل إنجاز مهمتك في اقرب وقت دون تكاسل. والظروف تتغير طول الوقت، ولكنها لن تتغير لصالحك دائما. فيجب ان تعمل بينما تسمح الظروف لأنها قد تنقلب ضدك فيما بعد. فلا تنتظر حتى آخر دقيقة للقيام بالمهمة. زي الطالب اللي بيفضل يلعب طول السنة ويجي يلم المنهج في ليلة الامتحان.

5. لا تنسى الهدف الكبير

عندما تبدأ في خطة ما نحو تحقيق هدف كبير يأخذ وقت طويل، ربما تضل الطريق. ولأنك هتيجي في النص وتنسى انت بدأت ليه اصلا، لازم تحط الهدف الكبير قدام عينيك دايما. ده هيديك قوة إرادة وحافز علشان تكمل للاخر مهما لقيت الدنيا من حواليك متقفلة.

6. لا تنس الراحة

قسم الهدف الكبير الي اهداف صغيرة مرتبطة بجدول زمني مش لازم يكون دقيق جدا. بس على الاقل لازم يكون واضح وعملي. ومتنساش تاخد استراحة في النص علشان ميبقاش كله ورا بعض فتهنج وتيأس ونفسك تتسد خالص.

7. احترم الاختلاف

الناس بيختلفوا كتير ودي حاجة ممكن تتعلمها من الذكاء العاطفي تفيدك في ضبط النفس. لأن الناس شايفينك من برا ومش فاهمين ايه جواك، ممكن ينصحوك انك تتنازل عن هدفك لأنه مستحيل او صعب عليك. بس لو انت عارف ومتأكد وواثق من نفسك ومن قدراتك، متسمعش ليهم وصمم على هدفك. علشان متجيش تلومهم فيما بعد او هم يقولوا احنا نصحناك من الاول.

8. وازن بين قلبك وعقلك

أصعب حاجة انك تتحكم في شهواتك لأنك اول ما تفتكر انك خلاص قدرت عليها تفاجئك هي في اوقات غريبة. قلبك وهواك هيكون ميال انه يسيب الشغل ويرتاح وينام ويكسل بس المفروض عقلك ينبهك بعواقب الكسل ونتيجة ترك الشغل. انت فعلا هترتاح مؤقتا بس هتتعب بعد كده. زي الطالب اللي بيفضل يلعب طول السنة ويجي يلم المنهج في ليلة الامتحان. وبرضه لازم تسمع لقلبك وتنفذ طلباته بس من غير دلع زيادة. وارجع للنقطة الاولى والتالتة.

9. متشكش في نفسك

حدد هدفك كويس قبل ما تاخد اول خطوة. وبعد ما تاخد الخطوة الاولى كمل وخد التانية والتالتة. متقفش كتير تشكك في خطواتك ولا حاجة. طالما انت عراف هدفك والهدف ده واضح قدامك، كمل للنهاية. لو حاسس من الاول ان المهمة دي مش هتعرف تأديها كويس او ملهاش اهمية متبدأش من الاول. بس طالما بدأت كملها.

10. خلي عقلك صاحي

اهم حاجة في ضبط النفس انك تكون واعي علشان تمنع نفسك من اي خطأ. ومن هنا لازم تبعد عن اي حاجة بتغيب العقل او تخدعه وخليه تشوف الواقع بطريقة مختلفة. لازم عقلك يكون صاحي علشان تشوف الحقيقة على طبيعتها. ولو عقلك غفل دقيقة واحدة، شهوتك ممكن تخليك تعمل اي حاجة.
وكانت دي هي اهم النقط في الحفاظ على ضبط النفس في مواجهة مصاعب الحياة وفي نقطة اخيرة عايز اختم بيها.

11. اعرف نقاط ضعفك

انت دلوقتي اكيد عارف حاجات كتير عن نفسك. فانت لازم تفهم ايه اكتر حاجة بتموت الانضباط فيك. هل بتقعد بالساعات على السوشيال ميديا؟ خلاص اقفل الموبايل او حطه بعيد. هل بتحب تتفرج على البنات، خلاص امنع نفسك. الانضباط بيتبني واحدة واحدة مش مرة واحدة. وبردو لما بيروح بيروح واحدة واحدة. فانت لازم تلحق نفسك اول بأول لما تعرف ثغرات شخصيتك وتسدها.

كلمة اخيرة

يوجد في البشر نزعة للكسل والخمول وحب الحياة السهلة، نحن نريد ان تأتي الحياة لنا. ولكن بالعقل كده، الحياة مش بالسهولة دي. ضبط النفس هو تهذيب وتأديب النفس وكبحها عن الانحلال التام الذي يؤدي الي الدمار الشخصي. فلو كان ما يطلبه العقل صعب لكنه يحافظ عليك على المدى الطويل. وما يطلبه القلب سهل ويدمرك على المدى القصير والطويل ايضا. فيجب ان تنمي مهارة ضبط النفس حتى تحصل على ما تريد في الحياة بدون ان تؤذي نفسك والآخرون.