اقفش! 7 اساطير عن التسويق الالكتروني شركات كتيرة لسة مؤمنة بها!

1) "طول عمري فاكر اني محتاج احسن ترتيب الموقع بتاعي في نتائج محركات البحث."

لما بعمل تحليل للمنافسين بتوع عملائي عشان اقارن بين جميع اوجه الفاعلية في استراتيجية التسويق, بيكون تحسين اداء الموقع في محركات البحث عامل واحد من بين 30 عامل بدور فيهم.

ليه؟ لأن تحسين اداء الموقع في نتائج محركات البحث هو مجرد عامل واحد من العوامل الي بتأثر في ظهور شركتك للعملاء. انا مش بقول ان تحسين اداء الموقع في نتائج محركات البحث مش مهم, دا مهم جدا. بس بقول ان تحسين اداء الموقع في نتائج محركات البحث لوحده مش كفاية انهاردة, خاصة مع وجود منافسيين رقميين علي نمو وجود شركتك في العالم الافتراضي.

2) "طول عمري فاكر اني مش محتاج دراسة جدوي عشان اثبت شغلي."
  
لما المشتري بيقيم منتجاتك او خدماتك, غالبا بيحتاج انه يتفرج علي امثلة من شغلك الي عملته قبل كدة. المشتري المحتمل دا عايز يعرف الحد الادني لقوة شغلك. لو عرضت عليه دراسة جدوي في شكل ارقام دقيقة, و وصف مفصل, مع شوية توصيات من عملاء سابقين عملتلهم شغل مماثل قبل كدة, هتسيب مساحة صغيرة للشك, و فرصة اكبر عشان يتأكد انك مناسب للمشروع.

3) "طول عمري فاكر ان صورة و فقرة صغيرة كفاية عشان يعبروا عن شغلي."

في شركات كتيرة بتنشر صور اعمالها علي الموقع بتاعها, و معلومات ضئيلة جدا عن الشغل نفسه. بنلاحظ مشكلتين اساسيين في المسألة دي, كل لما المحتوي يقل كل ما هتقل فرصة الظهور في نتائج محركت البحث. لأن انت كدة بتدي معلومات قليلة لمحركات البحث و بكدة مش هيقدر يعرض موقع شركتك في الصفحة الاولي من محركات البحث.

المشكلة التانية هي ان لما ميكونش عندك محتوي كافي, زي دراسات الجدوي, و عرض قيمة يحرك مشاعر المشتري, و معلومات واضحة و محددة عن شغل شركتك, المشتري المحتمل مش هيعرف انت تقدر تعمل ايه مختلف عن باقي الشركات. يعني ليه لازم يختارك انت بالذات؟ هل انت قادر علي حل المشكلة الي بيعاني منها؟ ايه الي بيخليك مميز و هيمنعهم من التفكير في الشركات التانية؟ مجرد صورة و فقرة قصيرة مش كفاية عشان تجاوب علي الاسئلة دي كلها.

4) "طول عمري فاكر اني معنديش موارد داخلية كفاية عشان اعمل تسويق."

الخبر الكويس هو انك مش لازم تبقي خبير في التسويق عشان تسوق لشركتك بنجاح! في الواقع في بعض الناس متخصصين في مجالات تكنولوجية حساسة لكنهم بيخافوا من فكرة التسويق, عشان كدة مبيبزلوش اي جهد في التسويق. لكن دي اكبر غلطة ممكن تعملها.

الحل هو انك توظف فريق للتسويق. بالتحديد, دور علي وكالة تسويق متخصصة في التسويق الداخلي. بالطريقة دي هتبقي عارف ان الفريق بتاعك هيتعلم شغلك و هيسوقله بطريقة صح و محددة المعالم. يبقي انت هتقوم بشغلك و فريق التسويق الداخلي هيقوم بشغله. و هو دا افضل تعاون.

5) "طول عمري فاكر ان النشر علي السوشيال ميديا كافي عشان شغلي يتشهر."

السوشيال ميديا اداة قوية عشان تكبر وجودك علي الانترنت. لكن المسألة في تحديد انت هتنشر ايه بظبط. لان الحاجات الي هتنشرها مهمة بالنسبة للناس الي عايز توصلهم. وازاي هتضمن ان المنشورات بتاعتك هتوصل للناس المستهدفة؟

المجالات التخصصية ليها مشتري محدد بيحاولوا يوصلوله. يعني لازم تحدد مين هو المشتري المثالي لشركتك و ازاي هتستهدف و توصل للمشتري دا علي السوشيال ميديا و تديله المعلومات الي هو مهتم يعرفها و تخليك تحصل علي انتباهه.

6) "طول عمري فاكر ان الكتابة اهم من الكلام."

كلنا سمعنا مصطلح "الكيف و ليس الكم" في فترة من حياتنا. و دا بيطبق في حالة كتابة المقالات التسويقية. انت اكيد بتضايق لما تفتح مقال لأنك مفكر انه هيقدملك حل لمشكلتك, لكن بتلاقي ان المقال فارغ من المضمون و ضيع خمس دقايق من وقتك. عشان كدة لازم تدهش المتابعين بتوعك بالحاجات الي انت عارفها و خبير فيها. ادهشهم بطريقة تخليهم يرجعولك تاني و تالت و تالت و مليون.

7) "طول عمري فاكر اني طالما عندي قائمة كبيرة من العملاء, مش هحتاج اعمل تسويق."

انا عمري ما سمعت عن شركة عايزة تفضل زي ما هي بدل ما تكبر و تعمل بيزنس اكتر. دا مش معناه ان الشركات دي مش موجودة. بس لو انت لسة متابع الفيديوهات بتاعتي, فانا متاكد انك عايز تكبر شركتك.

لو عندك شركة تقنية متخصصة في منتجات معينة, يبقي من الصعب انك تلاقي مبرر يخليك تستثمر في استراتيجية تسويق حديثة للمنتج او الخدمة المتخصصة الي عندك. لكن كل ما تستثمر في تسويق شركتك, كل ما هتشوف عائد علي الاستثمار. و كل ما هتلاقي عائد علي الاستثمار, كل ما شركتك هتكبر. نمو شركتك بيجي من عرض شركتك قدام العملاء المحتملين و الاستمرار في تأسيس ان شركتك هي القائد في مجال شغلك.

(مُترجَم)

Comments

Popular posts from this blog

Will Social Media Make Us Immortal?

This Instagram Trick Will Double Your Engagement!

How to Write the Title for Your Blog Post Like a Pro Copywriter