أخيراً: 6 مباديء لصناعة محتوي اصلي

اهم الاساسيات عشان تصنع محتوي الناس تحبه
خليك ملك صناعة المحتوي الاصلي!


قبل ما تكمل قراءة احب افكرك انك لو مطبقتش حاجة من الكلام ده يبقي عليه العوض. و عامة الكلام مش كلامي انا بترجمه يمكن استفاد حاجة.

من غير لت و عجن, من غير لف و دوران, هي دي المباديء الاساسية عشان تصنع محتوي اصلي تقدر تنافس به في السوق المليان محتوي مش اصلي.

1. حط نفسك مكان المشتري: كل المحتوي بيبدأ و ينتهي عند تحديات المشتري, احتياجاته و اماله و اهدافه في الحياة, ادخل جوة دماغه و اعرف هو محتاج ايه. المحتوي مش عنك انت, المحتوي عن اي حاجة غير انه يكون عنك, إلا طبعاً لو عندك حكاية او تجربة شخصية هتنفع الناس.

2. خليك قديم: يعني خليك علوضعك, حيث الحاجات الي بتفهم فيها اكتر من اي حد تاني بتتقابل مع الحاجات الي زباينك عايزين منها كتير. خد الموضوع كأنك في كلية او معهد و لازم تذاكر عشان تنجح.

3. خليك غزير الانتاج: لما تتكلم كلمتين و تسكت ده مش صناعة محتوي خالص. لو طبقت المباديء دي هتبقي ماكنة تصنيع محتوي, اصنع محتوي علي قد ما تقدر, علي امل ان حاجة تلطش معاك و تجيب نتيجة!

4. حب شغلك: لو انت مش مهتم بالحاجة الي انت بتتكلم فيها, ايه هيخلي اي حد تاني يهتم؟ حب شغلك و قدم احسن ما عندك, صناعة المحتوي بتاخد وقت طويل جداً.

5. انشف علي نفسك: اوعي تكون كسول. الكسل هو العدو الازلي ليك. اتحدي نفسك كل يوم, دوس علي نفسك. لما تكون مبدع هتفرح بالمنتج في الآخر و هتغلب خوفك و قلقك.

6. خليك استراتيجي: تسويق المحتوي مش سلق بيض, ده فن و صنعة و خبرة السنين. يعني الطبخ علي اصوله. احسن حاجة تعمل جدول علي الاقل في البداية. سواء علي السوشيال او اي موقع شغال عليه, امشي علي جدول و سجل كل حاجة. كل حاجة.

انا كدة عملت الي عليا و سلمتك العلم الي تتنفع به في الطوفان. لو مش هتعمل محتوي كويس متعملش احسن.

و زي ما قلت في الاول لو مطبقتي الكلام ده مش هتستفاد منه حاجة. المهم اتعلم حاجة جديدة مفيدة و انفع البشرية. كل ما تقرأ محتوي الناس و تتفاعل هتجيلك افكار و هتقدر تعمل محتوي اصلي نابع من صميمك كيانك الداخلي!

مع الشكر,

(مُترجَم)

آخر تحديث: 1 سبتمبر

Comments

Popular posts from this blog

Will Social Media Make Us Immortal?

This Instagram Trick Will Double Your Engagement!

How to Write the Title for Your Blog Post Like a Pro Copywriter